«Жас мамандар» мектебінің №6 отырысының хаттамасы
«Әл-Фараби атындағы № 145 ЖББ мектеп» коммуналдық мемлекеттік мекемесінің «Жас мамандар» мектебінің №6 отырысының хаттамасы
Күні: 05 наурыз 2022 жыл
Қатысқандар: 12
Қатыспағандар: 0
Күн тәртібінде:
- «Ана-тіршілік тірегі» атты жас мамандар мен мектебіміздің ер мұғалімдері бірлесе ұйымдастырған концерттік бағдарламасы
Әл-Фараби атындағы № 145 ЖББ мектептің жас мамандары мен мектебіміздің ер мұғалімдері 8 - наурыз халықаралық әйелдер күні мерекесі қарсаңында «Ана-тіршілік тірегі» атты концерттік бағдарламасын барша ұжымдағы аяулы ханымдар қауымына арнады. Мерекелік кешті жүргізушілер Табиев Айдос пен Жалғасбаева Назым өз тізгіндеріне алды.
Денешынықтыру пәнінің мұғалімі Мұханов Асан ағай мен «Жас мамандар» мектебінің мүшелері аналарға арнап ән орындап, ұстаздарға көтеріңкі көңіл күй сыйлады.
Мектебіміздің директоры Таукенова Бейбітгүл Ясынқызына сөз берілді. Атаулы мерекемен барша ұжымды құттықтап, бір қатар ұстаздарды арнайы алғыс хаттармен марапаттады.
Жас маман Қалиев Мадияр күй шерітіп, мерекелік шараға ерекше әсер сыйлады.
Келесі сөз кезегі «Жас мамандар» мектебінің жетекшісі, директордың оқу жұмысы жөніндегі орынбасары Сара Смадиловнаға берілді. Жүрекжарды құттықтау тілегін айта отыра, ұстаздық өмірге аяқ басқан жас мамандарға бағыт-бағдар беріп, қолдау көрсетіп жүрген аға буын ұстаздарға рахметін білдіріп алғыс хаттармен марапаттады. Мерекелік жиынға жиналған ұстаздардың көңілін көтеру мақсатында мектебіміздің әр әдістемелік бірлестігіне саяхат жолдамалар табыс етті.
Абзал аналарымыз бен қырмызы қыздарымыздың құрметіне жас мамандар мен ұжымымыздың ер азаматтарының атынан «Анашым» әні орындалып, кешіміз өз мәресіне жетті.
Мектеп директорының оқу- ісі
жөніндегі орынбасары: Койбагарова С.С.
Хатшы: Жалгасбаева Н.О.